20110826

:: سلامي ::


سلامي على اللي حاضر معانا
سلامي على اللي خالي مكانه


سلامي إنشاء لله يوصل سلامي
أسامي مااريد اذكر أسامي


سلامي


سلامي على اللي صان المحبة
سلامي على اللي فرقته صعبه

بعيد وياكل ويشرب معانا
عزيزي وصاحبي وقلبي على قلبه


سلامي


سلامي على اللي يستأهل دموعي
حزين وضحكته تعود برجوعي

رجاء لا تذكرونه إمامي
أخاف يطير قلبي من ضلوعي


سلامي ..

20110825

:: مع البدر .. ::


البدر لا يوجد بسماء وبين الغيوم فقط فهناك بدر الأرض و الشعر

و إذا سحرنا بدر السماء بجماله فإن بدر الشعر سحرنا بكلماته ..

بدر الشعر الرائع / بدر بن عبدا لمحسن

قلّ المطر لا هلّ ياريح المطر
وين السماء لاهلّ وبلك يا سماء

وقلّ البدر ياضيّ مرحا يابدر
كنّ السماء دانت وحرفي لك سماء

............................................

ليه انكسر ... مثل القزاز ..
كل مرةٍ .. أبوح همي .. وتسمعه
ياصاحبي .. وش حاجتك .. في غرشةٍ
طاحت شظاياها بيدك ..
وش حاجتي .. فما تجمعه ..
لي صاحبٍ .. كل مااشتكيت ..
همي عليه
دايم يجرح اصبعه ..
واصاحبي
الشكوى بها ذل ..
حدٍ رهيف .. أنما جرح يقتل ..
الشكوى ماتلبس ثياب..
عريانةٍ ماتلبس ثياب ..
في وجه راعيها ..
أموت أنا لو قلتها .. وأموت ابخفيها ..
ياهيه .. وان كانك رفيق
قم دلنى .. على طريق ..
ماهو يوصلني لطريق ..
عن يمةٍ .. غير الجهات الأربعه ..
اطلق حبال الليل .. خل الظلام يسري ..
المركب اللي كل مافل الشراع .. قلنا بعد بدري
ابي .. اوقظ النوم .. وأهدهد اسهادي..
أحفر في رمل وسادتي .. قبرٍ وسيع ..
أبي ادفن اعنادي ..
ابطرد الدنيا ورى باب الجفن .. وأغمض اعيوني ..
مابي اعض ابهامي بسنوني .. واشكي عليك ..
الليل كله .. ياصاحبي
نجم يطيح .. خله .. خله يطيح .. لاترفعه ..
أنا انكسر مثل القزاز .. كل مرةٍ تدري بهمي وتسمعه


.....


لليل أحبك .. مابقى في السما نور
والى ضواني الليل .. للصبح أحبك
واللحظة اللي كلها صد وغرور
اشوف قبري بين عينك وقلبك
في صدري اسراجٍ حزين ومكسور
رغم المطر والريح ... شلته افدربك
والله مابه غير لوعاتي قصور
وخوفي عليك الله ربي ..وربك
إلى متى ببني على صمتك جسور
لاحيرتني اسباب سلمك وحربك
العمر احبك... مابقي فينى شعور
ومتى جفاني العمر ... وشلون احبك

...

يا اجمل الحزن ؛؛. لدموعك سلام

مـن حـبيب ؛؛. بقى منه الكلام

ويـن انا منك ؛؛؛؛ غربني الزمان

وخانني النور ؛؛. وابعدني الظلام

لـو بـعزيك ؛؛. سـالت دمعتي

تـدري الدمع في حبك ؛؛. حرام

لـو بـواسيك ؛؛. مايكفي الهوى

ولـو ابي ؛؛. عذر مايكفي الغرام

اعـطنى مـن عـذابك يا البعيد

صـرخةٍ ؛؛. تجعل ظلوعي حطام

اااه ؛؛.لـو فـي يدي ابكي معاك

قـطـرةٍ مـادرى عـنها الـغمام

مـبخل الـوقت ؛؛. يحرمني البكا

وانـت لـجلك حـرمني الابتسام

يا اطهر الحزن ؛؛. لو كان القصيد

يـكشف الـغم عـن بـدر التمام

لـكتب الـشمس شـعرٍ في سناك

وامـحي امـن السما؛؛.عج وكتام

يـاعسي الـبدر نـوره مـايغيب

عـن حـبيبٍ بـقي مـنه الكلام

....

في الليالي الوضح
و العتيم الصبح
لاح لي وجه الرياض
في مرايا السحب
كفّها فلّت جديله .. من حروف
و قصّة الحنّه طويله .. في الكفوف
من نده عطر الرفوف ..
لين صحّاه
في ثيابك .. يا الف ليله ..
و في الهبوب
انتشينا يا هبوب النعاس .. و الحلم
ألف غصن من اليباس ..
فزّ لأجلك و انثنى
و إن عشقتيني أنا
ما أبي من الناس .. ناس
ما علينا ..
لو عشقنا و انتشينا
آه ما أرقّ الرياض
تالي الليل
أنا لو أبي .. خذتها بيدها و مشينا
****
يا نصيبي من الصور و الرسايل
و من كلّ شمسٍ قايمه .. وكلّ ظلٍّ مايل
يا مكاني من البيوت .. و من الصحاري
اللي غرّبت فكري .. قبايل
إقبلي مثل ديم
مثل نارٍ في هشيم
من غصون الضيّ
من ليل الغضى
و بين ما خلّى النخيل من الفضا
و ما نسى الغيم
ما علينا
لو عشقنا و انتشينا
آه ما أرقّ الرياض
تالي الليل
أنا لو أبي .. خذتها بيدها و مشينا
****
وين أحب الليله .. وين
وين أحب .. و وين أهيم
إرفعي طرقة الشيله عن سديم
عن شموس و كوكب وهّاج
و اجرحيني بنصل طرف سادرٍ و حجاج
شقّقيني يا الهبوب العارضيّة
لين أغنّي للهوى ..
و الهوى ما هوْ خطيّة
آه ما أرقّ الرياض
تالي الليل
أنا لو أبي .. خذتها بيدها و مشينا

........

إهداء إلى عاشق البدر ..